Voters’ Education Seminar ken Voting Counting Machine (VCM) Demonstration
Napasnek a pannakikaysa dagiti opisiales iti Gobierno Munisipal nga idadauloan ti naalibtak nga ina iti ilitayo Hon. Wendy Joy D. Buquing ,VM Melvin G. Macusi, SB Members, kameng iti PNP ken BFP, Opisiales iti Barangay pakairamanan dagiti Sangguniang Kabataan ken dagiti damo na iti agbotos manipud iti nadumaduma a barangay iti ilitayo iti pannakaangay ti Voters’ Education Seminar ken Voting Counting Machine (VCM) Demonstration nga indiaya ni Information Officer II Mark Christopher Ramirez manipud iti Education and Information Department, Commission on Elections Manila a binayabayan da Commission on Election La Union nga idadauloan ni Provincial Election Supervisor Atty. Marino V. Salas kenni Acting Election Officer iti Munisipyotayo, Geribel O. Valdriz para iti mapaspasungadan a National ken Local eleksion inton Mayo 9, 2022.
Honest, Orderly and Peaceful Election ti kangrunaan nga inyawis ni Sir Ramirez kabayatan ti panangipaayna iti lecture maipapan kadagiti addang iti panagbotos ken panangisuro no anya ken kasano nga usaren iti Vote Counting Machine (VCM). Inpaganetget daytoy a sagrado nga akem ti panagbotos isu nasken ti nainsiriban a pannakausarna ta daytoy iti gundaway dagiti umili a mangpili kadagiti kapkapnekanda a kandidato nga agserbi iti pagilian.
Manamnama ngarud ti napasnek a pannakikaysatayo patgenmi a kakailian a mangsaluad ti kinasagrado ti balota, ken tumulong iti credible, honest, accurate, meaningful and peaceful election iti ilitayo a Sudipen.
