TULONG PANGHANAP BUHAY SA ATING DISPLACED/DISADVANTAGED (TUPAD) WORKERS PAYOUT

Naipaay kadagiti 350 beneficiaries manipud kadagiti nadumaduma a barangay iti ilitayo ti Tulong Panghanapbuhay sa Ating Displaced/Disadvantaged (TUPAD) Workers Payout babaen iti inisiatiba ti United Senior Citizens Partylist nga idauluan ni Congresswoman Milagros Aquino-Magsaysay nga inbagian ni Executive Assistant Migz Magsaysay ken iti Department of Labor and Employment (DOLE) nga idauluan ni Regional Director Exequiel Ronie A. Guzman. Daytoy a gannuat ket nagbinnuligan ti DOLE, United Senior Citizens Partylist ken ti Lokal a Gobierno ti Sudipen.

Manipud iti sibubukel nga LGU Sudipen, iyebkasko iti sipupuso ken siaayat a panagyaman ti DOLE, ken ti naayat a Congresswomantayo, Hon. Milagros Aquino-Magsaysay ta maysa ti ilimi a mabebenipisiaran iti daytoy a programa. Sapaykoma ta agtultuloy daytoy a programa ti gobierno tapno ad-ado pay iti matulungan a kakailian. Dios unay ti agngina!