Top Allan Mountain Bike Race
Top Allan Mountain Bike Race – Naisangsangayan a pasalip a mangparagsak iti maikadua nga aldaw iti panagpiesta ti ilitayo a Sudipen nga idadauloan ti naayat ken aktibo nga ina iti ilitayo Hon. Wendy Joy D. Buquing, naangay ti kaunaan a lumba ti bisikleta wenno maaw-awagan iti “Top Allan Mountain Bike Race” a nakisalipan iti 64 a Bikers a nabingay ti kategoria iti Seniors Division (agtawen 18 agpangato) ken Juniors Division (agtawen 14-17). Nangrugi ti lumba ditoy sango iti Munisipiotayo, ket dinaliasatda ti rota a mapan idiay Top Allan a binayabayan dagiti kameng iti PNP, BFP, Municipal Health Office, Reservist ken MDRRMO. Dagiti Premio dagiti nangabak ket dagiti sumaganad: Kampeon – Tropeo ken Php 5,000; 2nd Place –Tropeo ken Php 3,000; 3rd Place –Tropeo ken Php 2,000; kasta met a naikkan dagiti nakagun-od iti 4th -10th Place – 1,000.
Sapasap met a naikkan iti gunguna dagiti amin a simmali iti daytoy nga aktibidad. Iti Senior Division naiyalat ni Franklin Ian Fernandez iti Barangay Poblacion ti Kampeonato. Nagun-od ni Jesther Dungan iti Brgy. Poblacion ti Maikadua a pwesto kasta met a nagun-ot ni Reymark Munio iti Barangay Ipet ti maikatlo a pwesto. Iti met Junior Division naiyalat ni Churchill Joash Bangayan manipud iti Barangay San Francisco Norte iti kampeonato, Maikadua ni Jay Angelo Poblete iti Barangay Duplas. Nagun-od met ni Christian James Balicha iti barangay Poblacion ti maikatlo a pwesto.
#KawayanFestival2022
