Top allan adventure park Mountain bike racing

Naangay iti maikadwa a Top Allan Adventure Park Mountain Bike Race iti maikalima nga aldaw iti panagpiesta ti Sudipen. Buklen ti 43 a Bikers iti nakipartisipar a nabingay iti dua a kategoria, ti Junior Division (agtawen 14-17) ken Senior Division (agtawen 18 nga agpangato). Nangrugi ti lumba iti sango iti Munisipyo ket nagturong a mapan idiay Top Allan a binayabayan dagiti kameng iti MDRRMO, PNP, MHO, ken BFP.
Immawat dagiti nangabak iti sumaganad: Kampeon – Tropeo ken Php 5,000; 1st Runner –Tropeo ken Php 3,000 2nd Runner Up –Tropeo ken Php 2,000; kasta met a naikkan dagiti iti 4th -10th Place iti tig- 1,000. Parehas a nagun-od ti taga San Francisco Norte iti kampeonato ti Junior ken Senior Division nga isuda Churchill Joash Bangayan ken Brandon Lee Mangilit. Iti maikadwa a pwesto ket inyalatda John Paul Aguilar (Junior Division) ken Rommel Ramos (Senior Division). Nagun-od met ti parehas a taga Ipet a da John Exequil Artajo (Junior Div.) ken Reymark Munio (Senior Div) iti maikatlo nga pwesto. Inawat met ni Romeo Mon ti Special Award kas kalakayan a nakipartisipar para iti daytoy a pasalip.
KUDOS Sudipen Bikers!