Ti pormal a panakaipaima dagiti water pumps ken sprayer kadagiti agmulmula iti tabako ditoy ilitayo a Sudipen a naimatangan dagiti opisiales ti Sangguniang Bayan nga idauloan ni VM Melvin G. Macusi.

Dagitoy a farm equipments ket sapasap a naipaay para kadagiti mannalon ti Barangay Bigbiga, Bulalaan, Castro, Duplas, Ilocano, Namaltugan, Old Central, San Jose, Sengngat, SF Norte, SF Sur ken Barangay Up-uplas.

Maigunamgunam a daytoy ket kangrunaan a prioridad ti ili gapu ta isuda iti rason ti kaadda iti excise tax ti tabako manipud RA7171 fund ket obligasion nga ited ti LGU dagitoy a ramit a kasapulan para iti naan-annayas a panagtalon dagiti mannalon ti ili. Ngarod, kadagiti patgenmi a mannalon, saantayo koma a mauma nga agmula ti tabako ta daytoy ti mangbatir ti ekonomia ti maysa nga ili.