Ti panangselebrar iti maikauppat a pulo ket pito a Nutrition Month

Ti panangselebrar iti maikauppat a pulo ket pito a Nutrition Month nga addaan ti tema: “Malnutrisyon Patuloy na Labanan First 1000 Days Tutukan” sadiay Barangay San Francisco Sur itay agsapa. Nakulminar ti selebrasion babaen kadagiti nadumaduma nga aktibidades kas iti Cookfest:First 1000 days Snacks ni Mommy, Supplementary Feeding Program ken Video Presentation on the First 1000 days ni baby. Nakipartisipar iti nasao a programa iti naayat nga ina iti ilitayo Hon. Wendy Joy D. Buquing. Iti mensahe na “Intay selselebraran ti tinawen a Nutrition Month tapno maipaganetget ti kinapateg ti nutrision wenno kinapateg dagiti taraon nga ipauneg tapno naan-anay a taudan ti enerhia a mangpaganaygay ti bagi. Ngem saan laeng koma nga agpatingga tatta a bulan no di ket iti amin nga aldaw iti tawen. Ta ti nasalun-at a tao, addaan namnama; ti addaan namnama, adda amin kenkuana”.-WDB