Ti lokal a gobierno iti Sudipen nga idauluan ti naayat nga ina iti ilitayo

Ti lokal a gobierno iti Sudipen nga idauluan ti naayat nga ina iti ilitayo, Mayor Weng babaen iti implementing office Municipal Disaster Risk Reduction Management Council (MDRRMC) nga idadauluan ni MDRRMO Edmund Narcise ket nakipagpaset iti 3rd National Simultaneous Earthquake Drill tatta nga aldaw. Nakikaysa iti nasao a programa dagiti empleado iti Munisipyo a binayabayan dagiti kameng ti Sudipen MPS ken dagiti National Agencies.
Gagem daytoy a maisagana dagiti empleado a mangilisi iti biag ti tunggal maysa inton dumteng iti saan a mapakpakadaan a didigra.