Ti Department of Agriculture (DA) ket nangited iti unconditional cash assistance
Ti Department of Agriculture (DA) ket nangited iti unconditional cash assistance babaen iti sidong ti Rice Competitiveness Enhancement Fund (RCEF): Rice Farmers Financial Assistance (RFFA) para kadagiti mannalon iti pagay a nakarehistro iti Registry System for Basic Sector in Agriculture (RSBSA) ditoy ilitayo a Sudipen nga naapektaran iti Rice Tarification Law (RTL).
Naiyuswat iti umuna nga aldaw iti panangiwaras ti nasao a cash assistance para kadagiti 2,053 a mannalon ditoy Municipal Gymnasium babaen dagiti staff iti Department of Agriculture a binayabayan ni Municipal Agriculture Officer Zeny C. Corpuz kasta met iti pannakitinnulong ti nadumaduma nga ahensia para iti napaspaspas a pannakaited dagiti Cash Assistance. Daytoy ket maysa a pamuspusan ti Departamento ti Agrikultura a mangbigbig iti kontribusion dagiti mannalon iti pagilian.
Ti nasao nga programa ket inatendaran ti naayat ken naalibtak nga ina iti ili Hon. Wendy Joy D. Buquing, VM Melvin G. Macusi ken dagiti opisiales iti Sangguniang Bayan.
“Maragsakanak iti naited nga kanayonan nga tulong para kadagiti mannalonmi. Dakkel daytoy a tulong para kadagiti kasapulanda aglalo ita a panawen ti pandemia”. -WDB
Ti sibubukel nga LGU Sudipen, agyamankami kadagitoy a bendision para kadagiti mannalon.
