Tapno agtultuloy a maipaay ti dekalidad nga edukasion kadagiti annaktayo iti daytoy panawen iti pandemia, adda ngarud naited a Two Way Radio kadagiti pagadalan ti elementarya ditoy ilitayo a Sudipen
Tapno agtultuloy a maipaay ti dekalidad nga edukasion kadagiti annaktayo iti daytoy panawen iti pandemia, adda ngarud naited a Two Way Radio kadagiti pagadalan ti elementarya ditoy ilitayo a Sudipen babaen iti naayat nga ina ti ili Hon. Wendy Joy D. Buquing.
Ti Special Education Fund (SEF) ti nausar a naggatang kadagitoy nga instrumento nga usaren dagiti mangisursuro kasta met dagiti ubbing tapno ti kasta adda latta komunikasion ken matarabayan met laeng dagitoy ti panagadalda.
Iti panagsarita ti ina ti ili, dinawat na ti anus dagitoy a mangisursuro tapno ituloyda ti napintas a ganuat para kadagiti annaktayo nga agad-adal tapno ti kasta haan nga agbalin a lapped daytoy a pandemia tapno maragpat dagitoy nga ubbing dagiti arapaapda iti biag.
