Special Assistant to the President Sen. Bong Go

Nabara a pinasangbay iti naayat nga ina iti ilitayo Hon. Wendy Joy D. Buquing dagiti staff da President Rodrigo Roa Duterte kenni Special Assistant to the President Sen. Bong Go ijay opisina na itay bigat nga immay nagidiaya kadagiti pagayat kadagiti agkakapateg nga premio kas iti computer tablets, bisekleta ken sapatos a mairaffle.
Kalpasanna, naiyuswat iti umuna nga aldaw iti pannakaiwaras iti Livelihood Assistance Grant (LAG) nga inyuswat iti DSWD Region I a binayabayan iti Municipal Social Welfare Development Staff babaen iti panangidualo ni Mrs. Elma Mostoles. Segun ken Mrs. Elma Mostoles, daytoy Sustainable Livelihood Program (SLP) – Livelihood Assistance Grant (LAG) ket maysa nga inisiatibo ni Sen. Bong Go. Dagiti 800 a beneficiaries manipud ti nadumaduma a barangay ditoy ilitayo a Sudipen ket dagiti kakailiantayo a nakaro a naapektaran ti pagsapulan da gapo iti pandemia. Karaman dagiti Livelihood Grants ket Sari-Sari Store Owner, Food and Vegetable Vendor, Online Seller, Tricycle Driver ken nadumaduma pay nga addaan iti small business (pagsapulan). Nagyaman iti Alkalde kasta met ni VM Melvin G. Macusi ti DSWD Region I ti kinaanep da a mangipatungpal kadagitoy a programa tapno masabet dagiti pagkasapulan ken maikkan da iti pagsapulan dagiti kakailian.
Ti sibubukel nga LGU, agyamankami met kenni Pres. Rodrigo Duterte ken Sen. Bong Go ken dagiti staff da iti anus da a nangidanon ditoy nasudi nga ilitayo kadagitoy a pagayat.