SITUTULNOG KEN NASAGANA: PANAGSANAY TI BPAT PARA ITI UMILI

Balligi a naisayangkat ti tallo nga aldaw a panagsanay, Capability Building Training: Strengthening Public Safety, Disaster Preparedness and Emergency Response, para kadagiti Barangay Peacekeeping Action Team (BPATs) manipud kadagiti nadumaduma a barangay iti ili ti Sudipen, a pinangulwanan ni Mayor Weng. Naangay daytoy idiay MAOB Hall manipud Hulyo 7 agingga Hulyo 9, 2026.

Naipaay daytoy a programa tapno ad-adda pay a mapatibker ti kabaelan, sirib, ken panagsagana dagiti kameng ti BPATs iti nagduduma a paset ti law enforcement, disaster response, community organization, barangay conflict resolution, ken environmental protection.

Naimpusuan a panagyaman kadagiti amin a nangted ti adal ken lawag, manipud iti Sudipen Police Station nga idauluan ni PCPT Roy K. Toyoken Jr., BFP, MDRRMO, MHO, Philippine Coast Guard, kasta met iti suporta ni Hon. Jose L. Dingayan, Chairperson ti Committee on Peace and Order.

Dayawen tayo daytoy a panagsanay agsipud ta dakkel ti maipaayna a tulong kadagiti BPATs babaen kadagiti adal ken kasanayan a mabalinda nga iyaplikar iti tunggal barangay.

Agkaykaysatayo para iti natalged ken natalna a Sudipen! 🤝

CLICK HERE: https://www.facebook.com/share/p/1G3fM2k8je/