SERBISYO IPAAY RANG-AY ITDENNA ITI BUMARANGGAY (SIRIB)

Naangay ti programa ti ilitayo a Serbisio Ipaay Rang-ay Itdenna iti Bumaranggay wenno SIRIB. Daytoy ket naangay sadiay Barangay San Jose ken Barangay San Francisco Norte idi kalman, Pebrero 19, 2025.

Ti SIRIB a programa ket mangidanun kadagiti serbisio ti ilitayo kadagiti barangay kas koma iti libre a panagkonsulta ti Doktor, panagbayad iti buis, panagparehistro (birth, death, marriage) ken dadduma pay. Makita met ti ragsak dagiti umuna a 20 a bumaranggay a nagpalista ti libre a manicure, pedicure ken pukis. Gagem daytoy nga aktibidad a maiyasideg dagiti serbisio nga ipapaay ti Lokal a Gobierno ti Sudipen kadagiti kakailian.

Manamnama ti presensiayo kakailian kadagiti barbarangayyo ti naituding nga aldaw nga iyuumay ti Munisipyotayo.