Serbisyo Ipaay Rang-ay Itdenna Iti Bumarangay (SIRIB)
Tatta nga aldaw opisial a nairugi ti kabarbaru a programa ti ilitayo a Serbisyo Ipaay Rang-ay Itdenna Iti Bumarangay (SIRIB). Daytoy ket naaramid ti Barangay Bigbiga.
Ti SIRIB a programa ket mangidanun kadagiti serbisio ti ilitayo kadagiti barangay kas koma iti libre a panagkonsulta ti Doktor, panagbayad iti buis, pagpaparehistro (birth, death, marriage) ken dadduma pay. Dagiti amin a serbisio nga ipapaay dagiti nadumaduma nga ahensia ti LGU ket maiyasideg kadagiti kakailian.
Kasta met a nabendisionan iti baro a rangtay (Bimmayang) iti nasao a barangay babaen kenni Rev. Fr. Alexander Jo B. Peralta.
