Serbisio Ipaay Rang-ay Itdenna iti Bumaranggay (SIRIB)

Agtultuloy latta ti programa ti ilitayo a Serbisio Ipaay Rang-ay Itdenna iti Bumaranggay wenno SIRIB a naaramid idiay Barangay Namaltugan tattay bigat, Abril 2, 2024.
Ti SIRIB a programa ket mangidanun kadagiti serbisio ti ilitayo kadagiti barangay kas koma iti libre a panagkonsulta ti Doktor, panagbayad iti buis, panagparehistro (birth, death, marriage) ken kasta met nga indanon ti PGLU ti libre a panagkapon kadagiti tarakentayo. Dagiti amin a serbisio nga ipapaay dagiti nadumaduma nga ahensia ti LGU ket maiyasideg kadagiti kakailian.
Kalpasanna, naaramid ti Search for the Most Outstanding Barangay Validation ti Barangay Namaltugan, a ditoy a makita met ti natrabaho dagiti barbarangaytayo iti tawen 2023.
Manipud iti LGU Sudipen, AGYAMANKAMI iti kooperasion, gaget, anus ken suportayo iti amin nga aramid para iti pagsayaatan ti munisipiotayo. Agyamankami iti nabara a panangpasangbayyo kadakami, patgenmi a kailian iti Barangay Namaltugan! Mabuhay!