Serbisio Ipaay Rang-ay Itdenna iti Bumaranggay (SIRIB)

Insayangkat ti Lokal a Gobierno ti Sudipen iti programa ti ilitayo a Serbisio Ipaay Rang-ay Itdenna iti Bumaranggay wenno SIRIB a naangay idiay Barangay Turod tattay bigat, Abril 11, 2024.
Ti SIRIB a programa ket mangidanun kadagiti serbisio ti ilitayo kadagiti barangay kas koma iti libre a panagkonsulta ti Doktor, dental services, panagbayad iti buis, panagparehistro (birth, death, marriage) ken dadduma pay. Dagiti amin a serbisio nga ipapaay dagiti nadumaduma nga ahensia ti LGU ket maiyasideg kadagiti kakailian.
Kasta met a naaramid ti Search for the Most Outstanding Barangay Validation ti Barangay Turod, a ditoy a makita met ti natrabaho dagiti barbarangaytayo iti tawen 2023.
Manipud ti LGU Sudipen, agyamankami iti nabara a panangpasangbayyo kadakami, patgenmi a kailian iti Brgy. Turod!