SERBISIO IPAAY RANG-AY ITDENNA ITI BUMARANGAY (SIRIB)

Naimbag a damag kakailian!

Adtoy manen ti programa a SERBISIO IPAAY RANG-AY ITDENNA ITI BUMARANGAY (SIRIB) para iti tawen 2025 kas panangtultuloy a mangipaay ti serbisio ken asistensia kadakayo. Maipalagip nga ti SIRIB a programa ket mangidanun kadagiti serbisio ti ilitayo kadagiti barangay kas koma iti libre a panagkonsulta ti Doktor, panagbayad iti buis, panagparehistro (birth, death, marriage) ken dadduma pay. Kasta met nga adda maipaay a libre a Pukis ken Manicure wenno Pedicure ti umuna a baente a kliente ti tunggal barangay.

Dagiti amin a serbisio nga ipapaay dagiti nadumaduma nga ahensia ti LGU ket maiyasideg kadagiti kakailian.

Guyugoyek ngarod ti tunggal maysa kangrunaan dagiti agkasapulan ti serbisiomi a makipagpaset kadagiti barbarangay da ti naituding nga iskediul.