Seal of Good Local Governance
Insayangkat iti Department of Interior and Local Government (DILG) ti assessment para iti Seal of Good Local Governance babaen iti Regional Assessment Team nga indauloan ni LGOO VII/CL Melinda M. Buada kadwana da LGOO II Alvin Joseph A. Rosario kenni Pastor Rene Tamoria a binayabayan ti naayat ken aktibo nga ina iti ilitayo Hon. Wendy Joy D. Buquing kenni VM Melvin G. Macusi.
Daytoy ket tinawen nga itantandudo iti DILG kadagiti nadumaduma nga ili tapno maammoan dagiti nagapuanan da iti pannakaipaay ti serbisio publiko ken naan-anay a pannakaimaton ti maysa ili, ciudad wenno probinsia. Karagpin a sinukimat ti DILG ti pannakaipatungpal dagiti programa ti gobierno kas iti Solid Waste Management, umno a pannakausar ti pondo, pannakaipakita ti Health Programs, legislations ken pannakaipaay ti basic services ken dadduma pay a benneg iti public service.
