Rabii Dagiti Umili & Awards Night
Rabii Dagiti Umili & Awards Night
Iti maudi a rabii iti panangselebrar ti Kawayan Festival tatta a tawen, nabigbig dagiti nangabak ti Inter Agency ken Inter Barangay Basketball Tournament kasta met ti Inter Barangay Volleyball Tournament.
Kampeon tatta a tawen ti Barangay Ilocano iti Basketball, iti pakasaritaan iti barangayda daytoy iti umuna a panangiyawida iti titulo. 1st Runner Up ti Barangay Castro, 2nd Runner Up ti Ipet ket 3rd Runner Up ti Barangay Turod. Inyalat met ti CIASI iti kampeon ti Inter Agency Basketball, ti LGU Sudipen iti maikadwa, maikatlo iti grupo ti ARESCOM a sarunwen met ti BFP.
Iti benneg ti Volleyball, kampeon ti Barangay Poblacion, maikadwa ti Barangay Namaltugan a sarunwen met ti Barangay Ipet ken Barangay Bulalaan.
Kalpasan iti ababa a programa, sangsangkamaysa a nagrambak amin a napadayawan, bibisita, opisiales ken program committees kas mangipaakita iti balligi iti amin a ganuat ti Kawayan Festival 2023.
