Project Site Proposal ti Department of Science and Technology (DOST)

Tatta nga aldaw, Septiembre 6, 2023, naaramid ti project site proposal ti Department of Science and Technology (DOST) para iti ilitayo a Sudipen nga imatmatunan ti naayat nga ina iti ili Mayor Weng.
Daytoy a proyekto ket mangparang-ay ti teknolohia ti munisipiotayo a mangbayabay iti aniaman nga umay a napeggad a pasamak kas iti ginggined. Saan laeng a mangduktal iti kaadda ti ginggined wenno tsunami no di ket tapno maipadto pay ti kadakkel ken lokasion dagitoy a didigra. Daytoy a datos ket mabalin a mausar a mangipaay kadagiti sistema ti nasapa a pakdaar ken makatulong a mangkissay iti bilang dagiti panakadadael gapu kadagitoy a didigra.