Plaque of Recognition
Maysa manen a pammadayaw iti nagun-od ti ilitayo a naggapo iti Department of Environment and Natural Resources (DENR).
Naawattayo iti Plaque of Recognition kas BEST LGU para iti epektibo a panangipatungpaltayo iti Zero Waste Management ken kinalinis iti aglawlaw a maiyataday iti R.A 9003 (Ecological Waste Management Act of 2000). Kadwak iti Municipal Planning Development Officer Susan Natividad ken ti Municipal Environment and Natural Resources Officer Engr. Joey Baguitan a nangawat daytoy a pammadayaw.
Manamnama a babaen iti daytoy a pamigbig ket maipasimudaag ti pateg ti panagdaldalus ken usto a panangibelleng kadagiti basura ta datayo met laeng nga umili iti maidayaw ken mabenepisiaran iti pannakaitandudo iti epektibo a sanitasion ti aglawlaw.
