paset ti panangselebrartayo ti 127th Philippine Independence Day
Kas paset ti panangselebrartayo ti 127th Philippine Independence Day, naangay ti flag raising ceremony tattay bigat, Hunio 12, 2025 a nakipagpasetan dagiti empleado ti munisipio ken dagiti aggapo ti nasional nga ahensia kas iti PNP ken BFP.
Kalpasanna, nakipagpartisipar dagiti empleado ti munisipio ti Brigada Eskuela 2025 kadagiti nadumaduma a pagadalan ti ili ken kasta met nga indanon ti naayat ken naalibtak nga ina ti ili, Mayor Weng dagiti nadumaduma a materiales a mausar para iti agdama a Brigada Eskuela.
Dagitoy a donasion wenno pagayat ket naggapo ti Lokal a Gobiernotayo a naiyalukar a pondo para kadagiti pagadalan ti elementaria ken hayskul ditoy ilitayo a Sudipen.
Kadua ti alkalde da SBM Tita Mostoles, SKFP Maricel Depdepen a nangidanon kadagitoy.
“Sangsangkamaysatayo koma a mangsuporta ken mangpapintas kadagitoy a pagadalan tapno iti kasta ad-ado pay ti mapatanor ken maikkan ti dekalidad nga edukasion para iti napintas ken naraniag a masakbayan dagiti annaktayo.” – WDB
Please click for more: