PANNAKA-IBUNONG TI FUEL SUBSIDY PARA KADAGITI KAILIAN, NAIYUSUAT

Gapoen ti limitado a suplay ti krudo, gas ken gasolina, naipatungpal ti maysa a komprehensibo a programa kas pangsabet babaen iti distribusion ti fuel subsidy ken tulong pinansial para kadagiti 1,196 a benepisiario, a pakairamanan dagiti mannalon nga addaan iti komersial a mula, dagiti TODA operators, ken dagiti rehistrado a business establishment. Babaen ti panagkikinnamayet ti agdama nga administrasion ken dagiti department heads ti ili nga idauloan ti naayat nga ina ti ili, Mayor Weng, naan-anay a pinondoan ti munisipiotayo daytoy nasao a programa.
Ti distribusion ket naurnos ken naipatungpal iti nadumaduma a lugar tapno masigurado ti nalaka ken nasayaat a pannakaakses dagiti amin a benepisiario:
• Sudipen Municipal Gymnasium: Barangays Namaltugan, Old Central, Ilocano, Ipet, Turod, ken Poblacion
• SF Sur Gymnasium: Barangays Bigbiga, San Jose, SF Norte, ken SF Sur
• Basig Barangay Hall: Barangay Maliclico
• Porporiket Barangay Hall: Barangay Porporiket
• Duplas Barangay Hall: Barangays Bulalaan ken Duplas
• Up-Uplas Barangay Hall: Barangay Up-Uplas
• Castro Gymnasium: Barangays Castro ken Sengngat
Daytoy a programa ket direkta a mangsungbat kadagiti parikot mainaig ti panagngato ti presyo ti petrolyo kangrunaanna dagiti sektor a napateg iti lokal nga ekonomia kas ti agrikultura, transportasion, ken bassit a negosyo.
Babaen iti panangpabileg kadagiti pagbiagan ken panangsuporta kadagiti esensial a serbisio, daytoy nga inisiatibo ket mangitulnog iti pannakabukel ti napigsa nga ekonomia nga agturong ti naprogprogreso a komunidad.

CLICK HERE: https://www.facebook.com/share/p/18GhstXriP/