Pananglukat ti PhilSys STEP 2 Registration
Ti opisina ti Philippine Statistics Authority (PSA) ket mangrugin iti STEP 2 Registration Process para iti Philippine Identification System wenno tay ibagbagada a National ID iti ilitayo a Sudipen.
Napnuan ragsak a pinasangbay ti naayat nga ina ti ili Hon. Wendy Joy D. Buquing dagiti bibisitas a nagapo ti PSA La Union nga idadauluan ti Atty. Sheila O. De Guzman, Chief Statistical Specialist Ms. Danites E. Teñido ,Ph.D. ken ti Branch Manager, Landbank San Fernando Branch.
Naaramid ngarud ti opening ken ribbon cutting para iti daytoy a programa. Rinugyan da metten ti panangirehistro kadagiti Elected Officials kas parte ti panglukat a seremonia.
Daytoy PhilSys Registration Center ket masarakan iti 1st floor ti DSWD building ket iyuraytayo dagiti naited/maited nga schedule ti iyuumaytayo panagrehistro.
Agyamankami Municipal Civil Registrar Virginia De Guzman ken kadagiti staff na ti napintas a preparasion iti daytoy a programa.
