Panakaiyawat/ panakaited iti Tornado 4.4C Mini Dump Truck para ditoy ili tayo a Sudipen kas gunguna iti kallabes a naisayangkat a Search for the Cleanest, Safest and Greenest Municipality iti probinsiatayo a La Union

Nagun-od ti ilitayo ti maikatlo a tukad para iti 4th – 5th Class Municipality. Personal ngarud nga inawat ti naayat nga ina ti ili Hon. Wendy Joy D. Buquing daytoy a gunguna kadwana ni MPDO Susan O. Natividad idiay sango ti La Union Pasalubong Center/ Mabanag Hall, San Fernando City, La Union.
Iti sibubukel a LGU-Sudipen, iyebkasmi ti panagyaman iti Provincial Government of La Union nga idadauluan ti agay-ayat kadatayo amin Gobernador Francisco Emmanuel “Pacoy” R. Ortega III. VM Melvin G. Macusi, SBM Members kasta met kadagiti amin a Department Heads iti munisipiotayo, gapu iti gaget ken rigget da nagballigitayo ngarud iti daytoy a pasalip ket daytoy a gunguna usarentayo para ti pagsayaatan ti nasudi nga ilitayo.