Panagtataripnong dagiti kameng ti Municipal Development Council (MDC) a nakabuklan dagiti nagatendar a Kapitanes iti Barangay
Naangay ti panagtataripnong dagiti kameng ti Municipal Development Council (MDC) a nakabuklan dagiti nagatendar a Kapitanes iti Barangay ken iti naayat nga ina iti ilitayo Hon. Wendy Joy D. Buquing. Maysa kadagiti trinatarda ket iti programa kontra Covid-19 tapno haan nga agraira daytoy a sakit, ket inawis ti ina ili dagitoy nga opisyales iti panagbakunada kas panangsuporta iti daytoy a programa.
Kasta met a napagsasaritaan da dagiti usto a wagas ken addang no dumteng iti kalamidad. Binalakadan na pay dagitoy a masapol ti panagdaldalus kangrunaan dagiti lugar wenno balbalay a pagumukan dagiti lamok tapno maliklikan ti dengue. Dagitoy a napagsasaritaan ket agserbi nga mangalay-ay ken mangsalaknib kadagiti umili.
Naikkan met ti gundaway dagiti pannakabagi ti tunggal barangay a nangyebkas iti pakaseknan ken kasta met dagiti kalikagumda a mapatgan.
