“Organic Gulayan sa Barangay for Healthy Living”
Naangay ti programa maipapan iti proyekto iti Provincial Government of La Union (PGLU) nga “Organic Gulayan sa Barangay for Healthy Living” itay agsapa a no sadinno nga inatendaran ti naayat nga ina ti ili Hon. Wendy Joy D. Buquing, VM Melvin G. Macusi, dagiti SBM Members, kakapitanes ken representative iti sumagmamano a barangay.
Ti nasao a programa ket indauloan dagiti Staff ti Office of the Provincial Agriculturist (OPAg) nga tinarabayan ti Municipal Agriculture Office. Adda naduma duma ti klasena a bukel ti nateng ti inpaay ti OPAg kadagiti sumagmamano a barangay ditoy ilitayo a Sudipen. Babaen daytoy a programa ket makita tayo ti importansia iti panagtitinnulong para iti panangpaadda iti gulayan kasta met a makita tayo no kasano ti importansia iti addaan iti sidadaan a pangalaan iti taraon iti komunidad iti tiempo ti pandemia.
