On-site at Table Validation | June 13, 2023
Tatta nga aldaw, June 13, 2023, maragsakan ti LGU Sudipen a mangabrasa iti agkakadayaw a SGLG Regional Assessment Team (RAT) para iti on-site and table validation nga indauluan ni Ma’am Michelle Ratuita OIC-Program Manager kadwana ni LGOO III Ma’am Roma Andrea Bringas ken Chaplain Ruth Tamoria, CSO Representative.
Gundaway daytoy para kadatayo a mangipakita iti dedikasiontayo, kinasayaat ken nalawag nga aramid ti panagturay. Nakasaganatayo a mangipakita iti kasayaatan nga aramid, panagregget ken panagkumit a mangipaay ti naSudi a serbisio para iti komunidad, kagimongan ken ti pagiliantayo.
Itultuloytayo ti agkaykaysa tapno iti kasta agballigitayo iti amin nga a ganuat para ti pagsayaatan ti naSudi nga ilitayo.
