NARAGSAK KEN NABENDISIONAN A PANAGKASANGAY, MAYOR WENG

Manipud iti amin a pamilia ti LGU Sudipen, idanonmi ti nabara a kablaaw ti panagkasangay iti napnuan sirmata nga ina ti ilitayo a Sudipen, Mayor Wendy Joy A. Dengayan!

Ita nga aldaw, saan laeng a ti panagkasangaymo ti rambakantayo, ngem ti sabali manen a makatawen ti di-agkupas a kinapudnom, ti awan-sarday na a panagserbim, ken ti naragsak a panangidadaulom iti ay-ayaten tayo nga ili ti Sudipen.

Ti kinapudnom iti serbisiom ken panangipariknam ti pakaseknam kadagiti umili ti mangpabpabileg iti tunggal maysa kadakami iti inaldaw a panagtrabahomi a panangidanun ti serbisio publiko.

Agyamankami iti panangidaulom kadakami iti kinatan-ok, kinasinged, ken naimpusuan a panagserbi kadagiti umili ti Sudipen. Kararagmi ti pannarabay iti Apo a Namarsua kenka iti agtultuloy a panagserbim ti ilitayo a Sudipen! Sapaykoma ta daytoy nga aldawmo ket mapno iti ragsak ken adu a bendision.

Naimpusuan a kablaaw iti naragsak a panagkasangay, iti KATAKUNAYNAY TI RIGAT KEN NAM-AY, Mayor Weng!

CLICK HERE:https://www.facebook.com/share/p/17mWmcPfwS/