Nakaawat ti financial assistance dagiti 2000 a benepisiario ti ilitayo a Sudipen babaen iti Assistance to Individuals in Crisis Situation (AICS) a programa ti DSWD

Nakaawat ti financial assistance dagiti 2000 a benepisiario ti ilitayo a Sudipen babaen iti Assistance to Individuals in Crisis Situation (AICS) a programa ti DSWD ken ti opisina ni La Union 1st District Congressman Francisco Paolo P. Ortega V. Dagiti immawat a beneficiaries ket dagiti apektado iti krisis.

Timmabuno ti nasao a programa dagiti Sangguniang Panlalawigan Board Members iti umuna a distrito ti La Union nga idadauloan ni Vice Governor Mario Eduardo C. Ortega, dagiti Sangguniang Bayan Officials nga imatmatunan ni VM Melvin G. Macusi.

Inpakaammo ni Cong. Paolo a daytoy ket tulong a kiniddaw ti opisinana para kadagiti kakailiantayo nga agkasapulan.

Iyebkasko ti napalaos a panagyaman ti ayatentayo a Congressman gapo ti panangikalikagom na a maikkan ti tulong dagiti kakailian. Dakkel a tulong daytoy kadakuada tapno masabet dagiti pagkasapulan da ti inaldaw aldaw. Babaen ti nasyaat nga panakibinuulig ti Lokal a Gobiernotayo, ad-adun tupay nga programa ken proyekto ti maipatungpal kas tulong para ti ili ken dagiti umili.