Naiyusuat ti pannakaiwaras ti tseke para kadagiti mannalon ditoy ilitayo a Sudipen nga imatmatonan ti naalibtak ken mapangnamnamaan nga ina ti ili, Mayor Weng.

Daytoy nga asistensia ket naipasidong ti Philippine Crop Insurance Corporation a naggapo ti Department of Agriculture. Indauloan dagiti empleado ti PCIC/Department of Agriculture ti nasao a programa a binayabayan ti Office of the Agricultural Services (OAS) nga ibagian ni Ma’am Zeny C. Corpuz.

Dagitoy a mannalon ket dagiti nakarehistro ti Registry System for Basic Sectors in Agriculture (RSBSA) a nagireport kadagiti natay a dingwen wenno naperdi a mulmula da kas iti pagay, mais, ken nateng gapo ti peste, bagyo wenno madi a paniempo.

Manipud ti lokal a gobierno ti Sudipen, iyebkasmi ti naimpusuan a panagyaman ti mangbukbukel ti Department of Agriculture ken PCIC ti awan sarday a tulong ken suportayo para kadagiti mannalonmi.

Dakkel a katulongan daytoy tapno masabet dagiti pagkasapulan da nga agmula.