Naisayangkat ti Livelihood Seeding Program – Negosyo Serbisyo sa Barangay (LSP-NSB)

Naisayangkat ti Livelihood Seeding Program – Negosyo Serbisyo sa Barangay (LSP-NSB) a programa ti Department of Trade and Industry (DTI) ken nakitinnulongan ti Provincial Government ti La Union ken Munisipio ti Sudipen tatta nga aldaw June 25, 2021.

Tapno maiyadal ti umno nga estratehiya ken panangmanehar ti negosyo kas koma ti panangpresyo ken panaggatang ti lako naangay ti “Livelihood Seeding Program-Negosyo Serbisyo sa Barangay (LSP-NSB) Seminar babaen ken ni Ma. Panela Gabriel, Tech. Assistant ti DTI – La Union. Segun ti DTI, “Saanda a baybay-an dagitoy benepisyaryo, regular ti monitoring da tapno makita ti kasasaad ti negosyo.”

“Nagkaadu dagiti Sari-Sari Store Owners nga apektado ti pandemia ditoy ilitayo ngem nakagasgasat kayo a napili iti daytoy a programa ti DTI. Sapay koma ta nasayaat ti inkay panangmanehar kadaytoy a sagut ti DTI ket mapadakkelyo ti puonanyo,” daytoy ti imbatad ti naayat nga ina iti ili Hon. Wendy Joy D. Buquing bayat ti pannakaiyawat dagiitoy a Livelihood Kits.

Iti sibubukel a LGU Sudipen, iyebkas na ti panagyaman iti DTI – La Union. Dakkel a tulong dagitoy kadagiti Kakailian a naapektaran iti daytoy panawen ti pandemia.