Naisayangkat ti binulan a Flag Raising Ceremony para iti umuna a Lunes iti bulan ti Abril tatta a tawen 2026

nga indauloan ti Municipal Planning and Development Office ken Sudipen National Commission on Indigenous People. Nakipartisipar met dagiti opisiales ken empleado ti LGU Sudipen nga idauloan ti naayat ken naalibtak nga ina ti ili, Mayor Wendy Joy A. Dengayan, dagiti nadumaduma a nasional nga ahensia ti gobierno, MESSIAH ken dagiti kakapitanes.
Naisaruno iti ababa a programa idiay MAOB Hall ket naiparang dagiti agkasangay ita a bulan, naikkanda ti regalo ken naikararagan met dagitoy. Kalpasanna, inbingay ti MESSIAH ti sao ti Apo babaen ken Pastor Brofe Bangayan Jr. Naiparang dagiti napromote nga empleado ken baro a GIPs ti munisipiotayo. Naikkan met ti pammigbig ken pammadayaw ti Sudipen Municipal Police Station nga imatmatunanni PCPT Roy K Toyoken Jr. babaen ti naurnos ken naballigi a buy-bust operation.
Nangited met ti ababa a mensahe ni Mayor Weng, ket inpalagipna iti panagtrabahotayo a nasayaat ken naimpusoan a panagserbi.
Kamaudiananna, naangay iti binulan a panagtataripnong dagiti kameng ti Municipal Development Council (MDC). Ditoy a naidatag dagiti aktibidad a maangay iti umadanin a panagFiesta ti ilitayo. Nataming dagiti pakaseknan ket naigunamgunam a kasapulan ti panagkaykaysa dagiti sektor tapno naannayas a maigannuat dagitoy a programa ken aktibidades ita a bulan.

CLICK HERE:https://www.facebook.com/share/p/18GT7iujye/