Naisayangkat iti Flag Raising Ceremony para iti umuna a lunes iti bulan iti Marso tawen 2022
Naisayangkat iti Flag Raising Ceremony para iti umuna a lunes iti bulan iti Marso tawen 2022 nga indauloan iti ahensia ti Bureau of Fire Protection. Kalpasanna, nadakamat dagiti pammadayaw a nagun-od iti ilitayo kas iti Best LGU Performance – CHAMPION ken Best LGU Booth – 1ST RUNNER-UP babaen kenni Municipal Tourism Officer Gilbert P. Del Moral iti kalkalpas a , -, (-) Agri-Tourism Fair 2022 ijay CSI Mall, San Fernando, La Union kasta met ti Naisangsangayan a Gannuat Award 2nd Runner UP ken Performing Local Civil Registry Office a naggapo iti Philippine Statistics Authority babaen kenni Municipal Local Civil Registrar Virginia De Guzman. Nagun-od dagitoy a pammadayaw gapo iti ayat, suporta ken panangtartarabay iti naayat nga ina iti ilitayo Hon. Wendy Joy D. Buquing. Napadayawan met dagiti Babbae nga empleado kas panangselebrar iti National Women’s Month nga addaan iti tema “WE Make CHANGE Work for WOMEN: Agenda ng Kababaihan Tungo sa Kaunlaran”
Naisaganad iti pannakabendision iti Backhoe nga indauloan ni Pastor Felimon Dawey. Napataud daytoy nga heavy equipment babaen ti nasayaat a panagbinnulig ti Executive Branch nga idadauluan ti patgentayo nga Alkalde Hon. Wendy Joy D. Buquing ken opisiales iti Sangguniang Bayan nga idadaluan ni VM Melvin G. Macusi.
Manamnama a babaen daytoy ket mapapartak ti panakaimplementar dagiti proyekto ti lokal a gobyerno. Maaramat pay dagitoy tapno ad-adu pay a kakailiantayo ti matulungan ti agdama nga administrasion.
