Nai-turnover ti 12 a Kalding kadagiti tallo a PUV Drivers a nakarehistro idiay Land Transportation Franchising and Regulatory Board (LTFRB)

Nai-turnover ti 12 a Kalding kadagiti tallo a PUV Drivers a nakarehistro idiay Land Transportation Franchising and Regulatory Board (LTFRB) babaen iti programa a DOLE Integrated Livelihood Program (DILP) nga indauloan da Atty. Mark Anthony G. Espenilla, Sir Ralph Chester D. Retamal, Sir Christian C. Parado ken Sir Friz Virgil Calub. Naangay iti panangallawatda kadagitoy a mataraken a dinguen ditoy ABC Hall iti Munisipyotayo itay agsapa a naimatangan da SBM Tita Mostoles, SBM Lina Leonen ken MAO Zeny C. Corpuz.
Iti sibubukel a LGU-Sudipen nga idadauluan ni Mayor Weng agyamankami kadagiti mangbukbukel iti DOLE ken LTFRB iti pannakaipaay dagitoy a dinguen kas kanayunan a pagbiagan dagitoy a kakailianmi.