Naaramid ti umuna a Flag Raising Ceremony iti tawen 2025

Naaramid ti umuna a Flag Raising Ceremony iti tawen 2025 ditoy sango ti Munisipiotayo nga indauluan ti Sangguniang Bayan Office nga imatmatunan ni Vice Mayor Melvin G. Macusi. Nakikaysa ken naurnos dagiti Empleado ti Munisipio nga idauloan ti naayat ken naaktibo nga ina iti ili, Mayor Weng, empleado ti nasional nga ahensia ken MESSIAH a nagpartisipar kadaytoy pannakaingato ti bandera.

Naiparang dagiti agkasangay tatta a bulan ket naikkan da ti pagayat nga inpaay ti SB personnel. Kalpasanna, adda ti ababa a serbisio nga inannong dagiti MESSIAH babaen kenni Ptr. Herald Salico a no sadinno a nailawlawag ti San Mateo 2:1-12. Kasta met a nabigbig ti Local Civil Registry Office kas Best Solid Waste Management Implementer-LGU Category iti bulan ti Disiembre. Naikkan met ti pammadayaw ti Municipal Health Office ken Municipal Environment and Natural Resources Office (MENRO) kas Best in Christmas Decorations idi napalabas a bulan.

Nangited met ti ababa a mensahe ti naayat nga ina ti ili, Mayor Weng, ket inpalagip na iti panagtrabaho a nasayaat, ken naimpusuan a panagserbi. Sapaykoma ta ita a tawen, intayo mapabaro ken mapatalinaed ti ayat, anus ken reggettayo nga agserbi kadagiti kakailian!