Naaramid ti umuna a Flag Raising Ceremony ita a bulan ti Pebrero babaen iti panangidaulo ti opisina ti Municipal Engineering Office ken Sudipen Philippine National Police.

Nakipagpasetan daytoy dagiti opisiales ti ilitayo nga idadauloan ti naayat nga ina ti ili, Mayor Weng, amin nga empleado ti munisipio, empleado ti nasional nga ahensia, Barangay Captains ken dagiti MESSIAH.

Kalpasanna, nabendisionan ti baro a pasdek ti ilitayo. Indauluan ni Rev. Felimon Dawey ti kararag ken pammendision. Kasaruno daytoy ti ababa a serbisio idiay MAOB Hall nga inannong ti MESSIAH babaen kenni Pastor Myra Pacio a no sadinno nga inlawlawag daytoy iti teksto a masarakan iti 1 Juan 4:8. Naiparang ken nabendisionan dagiti agkasangay ita a bulan ken kasta met a naiparang dagiti baro a job orders ken napromote nga empleado ti munisipiotayo.

“Sapaykoma ta pagtalinaedentayo ti ayat iti nagbabaetan, itultuloytayo iti agkaykaysa ken ayaten iti trabaho agsipud ta dagitoy ti mamagbalin kadatayo a produktibo ken naballigi iti aniaman a sirmatatayo para iti natibtibker ken nadurdur-as a Sudipen.” – Mayor Weng

Kamaudiananna iti panagtataripnong dagiti konsehos iti Municipal Development Council a no sadinno a nailatad dagiti programa ken aktibidades para iti pagsayaatan ti ilitayo a naSudi.