TRADITIONAL FLAG RAISING CEREMONY

Naaramid ti Flag Raising Ceremony para iti umuna a Lunes iti bulan ti Mayo nga indauloan ti naayat nga ina iti ili, Mayor Wendy Joy A. Dengayan a binayabayan ni VM Ariel L. Adviento karaman dagiti miembro iti Sangguniang Bayan.

Nakipartisipar met dagiti empleado ti munisipio ken nadumaduma a National Government Agencies, kakapitanes ken dagiti MESSIAH. Kalpasanna, nagturong dagitoy iti MAOB Hall para iti ababa a serbisio nga inannong dagiti MESSIAH babaen kenni Pastor Victor Dagacan ket inpalagipna nga nu agtalektayo ken Apo tayo a Namarsua, ket padayawanna dagiti amin a tarigagaytayo. Naiparang dagiti agkasangay tatta a bulan. Naawagan met amin nga inna ket naikkanda iti regalo kas panangselebrar ti Mother’s Day tatta a bulan.
Sakbay a nagleppas iti programa, nagyaman iti naayat nga ina ti ili, Mayor Weng, iti partisipasion ken panangkaykaysa iti tumunggal maysa iti kallabes a selebrasion ti Kawayan Festival 2026 ta nagbalin daytoy a naballigi.

CLICK HERE:https://www.facebook.com/share/p/18VmqJ8nDW/