Naaramid ti Flag Raising Ceremony ditoy sango ti munisipio para iti umuna a lunes iti bulan ti Disiembre nga indauloan ti ayaten nga ina ti ili

Naaramid ti Flag Raising Ceremony ditoy sango ti munisipio para iti umuna a lunes iti bulan ti Disiembre nga indauloan ti ayaten nga ina ti ili, Mayor Wendy Joy A. Dengayan a binayabayanda VM Ariel L. Adviento ken dagiti Opisiales ti Sangguniang Bayan. Nakipartisipar met dagiti miembro ti MESSSIAH, kakapitanes, empleado ti lokal a gobiernotayo agraman dagiti nadumaduma a nasional nga ahensia kas iti PNP, BFP, COMELEC, MTC ken NCIP.
Kasaruno daytoy ti ababa a serbisio nga inannong dagiti MESSIAH babaen kenni Pastor Jimmy Masi. Naiparang ken naikararagan met dagiti agkasangay ita a bulan. Kasta met a nabigbig ti Office of the Mayor kas Best Solid Waste Management Implementer-LGU Category iti bulan ti Nobiembre.
Kalpasan iti programa, naisaganad iti taripnong dagiti konseho iti Municipal Development Council a no sadinno a nailatad dagiti nagapuanan ti nadumaduma a barangay. Naibinsa binsa dagiti pakakumikuman ti tunggal maysa. Kamaudiananna, nangegan dagiti suhestion ken main inaw a plano dagiti kapitanes para ti pagsayaatan ti barangay ken ti ili para iti tawen 2026.

CLICK HERE: https://www.facebook.com/share/p/1BZjzXCC4r/