NAARAMID TI FIRST MONDAY PROGRAM TATTA A BULAN TI SETIEMBRE NG INDAULUAN TI NAAYAT NGA INA TI ILI, MAYOR WENG.
Naaramid ti First Monday Program tatta a bulan ti Setiembre nga indauluan ti naayat nga ina ti ili, Mayor Weng. Daytoy ket inatendaran dagiti opisiales, kapitanes, MESSIAH ken iti nadumaduma a lokal ken nasional nga ahensia ti gobierno.
Simmaruno iti ababa a programa idiay MAOB Hall nga no sadinno a naiparang dagiti agkasangay ita a bulan ket naikararagan ken naikkan ti pagayat. Nangibingay ni Pastor Ariel Mendez iti nasantoan a sao ti Apo ket inpalagipna a kadagiti amin a bag-en ti gobierno a ti pudno a panagserbi ket saan laeng a panangaramid iti trabaho, no di ket panangipaay iti puso ken panangikonsiderar iti kasapulan ken rikna dagiti padatayo a tao. Naisaganad a nangegan dagiti nadumaduma nga anunsio ti opisina ken naiparang ti baro a job order ti ilitayo a ni Ma’am Jewel A. Contreras nga agyan idiay Municipal Accounting Office.
Kas opisiales ken empleado ti gobierno, masapul a silulukat ti ruangantayo kadagiti umili. Ta ti turong ti panagtrabahotayo iti gobierno ket saan laeng a para iti opisina wenno para iti bukodtayo, no di ket para iti padatayo a tao. Ti tunggal desision, serbisio, ken panagtungpal iti responsibilidad ket masapul nga adda iti puso ti panangserbi, respeto, pannakaawat, ken ayat iti umili.
Pagyamanan ti Municipal Engineering Office ken Sudipen MPS para ti naannayas a programa.