Naaramid ti First Monday Program tatta a bulan ti Hulio nga indauluan ti Rural Health Unit (RHU) nga imatmatunan ni Dr. Jerson S. Bangaoil nga inatendaran dagiti empleado ken opisiales ti munisipio nga imatmatunan ti naayat nga ina ti ili, Mayor Wendy Joy A. Dengayan, dagiti kakapitanes, MESSIAH ken iti nadumaduma a nasional nga ahensia ti gobierno.

Naisaganad iti ababa a programa idiay MAOB Hall a no sadinno a naiparang dagiti agkasangay ita a bulan ket naikkanda ti regalo nga inpaay ti RHU personnel. Naiparang met dagiti baro a grupo ti opisiales ti Sangguniang Bayan ti munisipiotayo nga idadauloan ni VM Ariel L. Adviento a no sadinno a nangipaay dagitoy ti ababa a mensahe kas pagyaman iti nalpas nga eleksion.
Kalpasanna, nangibingay ni Pastor Nely Salinas iti nasantoan a sao ti Apo ket inpaganetget na nga agtrabahotayo nga awan ti namnamaen a supapakna. Imulatayo ti puso ken panunottayo nga agtrabaho para iti dayag ti Dios. Kasta met a naiparang dagiti baro nga empleado ti ilitayo a Sudipen. Nabigbig ti opisina ti Sanguniang Bayan kas Best Solid Waste Management Implementer-LGU Category iti bulan ti Hunio.
Nangited met ti ababa a mensahe ti naayat nga ina ti ili, Mayor Wendy Joy A. Dengayan, ket ditoy a nagyaman isuna ti tumunggal maysa ti napalabas a panagpipili ket dawat daytoy iti panagtrabahotayo a nasayaat, ken naimpusuan a panagserbi para ti ay-ayatentayo nga ili a Sudipen.

Please click link for more:

https://www.facebook.com/share/p/1AdaxkHmHk/