Naaramid iti Medical, Dental ken Outreach Program nga inyusuat ti Nurses Touch Foundation for a Better Tomorrow, Inc. ken Sudipen Municipal Health Office tattay bigat, Hunio 24, 2025.

Indauloan daytoy ni Ma’am Evangeline Ursua-Chambers, CEO/Founder ti Nurses Touch Foundation a nagbinnuligan ti Sudipen Municipal Health Office nga idadauloan ni Dr. Jerson S. Bangaoil.
Naangay ti aktibidad sadiay Barangay San Francisco Sur ken naserbian pay dagiti pasiente manipud Barangay Bigbiga, SF Sur, SF Norte, ken San Jose. Dagiti inpaayda ket free medical check-up, free dental care, libre nga agas, relief goods ken libre nga school supplies para kadagiti annaktayo nga agal-adal ti elementaria sadiay SF Elementary School.
Manipud ti LGU Sudipen nga idauloan ti naayat nga ina ti ili, Mayor Weng, iyebkasmi ti naimpusuan a panagyaman, Nurses Touch Foundation for a Better Tomorrow, Inc. iti pannakaipaay ti libre a serbisio salun-at kadagiti kakailianmi ti ili ti Sudipen. AGYAMANKAMI ket ti Apo a Namarsua iti mangsubad dagita nga anus, ayat ken pigsa nga inpaayyo para iti pagsayaatan ti ili, komunidad ken iti sangkagimongan.

Please click link for more:

https://www.facebook.com/share/p/1NeCqaTyNN/