Naangay ti miting ti Municipal Development Council (MDC)

Naangay ti miting ti Municipal Development Council (MDC) nga indauluan ti naayat nga ina iti ilitayo, Mayor Wendy Joy A. Dengayan. Nagatendar dagiti Kapitanes ti Barangay nga idauloanni PB Richard Lopez, pannakabagi dagiti NGOs ken dadduma a sektor ti kagimongan.
Ditoy a naidatag dagiti nadumaduma nga aktibidad a maangay ditoy naSudi nga ilitayo ken kasta met a napagsasaritaan dagiti agdama a nadidigra gapuanan kenni Bagyong Emong. Nataming dagiti pakaseknan ket naigunamgunam a kasapulan ti panagkaykaysa dagiti sektor tapno maileppasda dagitoy maigannuat a programa ken aktibidades ita a bulan. Dagitoy a napagsasaritaan ket agserbi nga mangalay-ay ken mangsalaknib kadagiti umili.
Naikkan met ti gundaway dagiti pannakabagi ti tunggal barangay a nangyebkas iti pakaseknan ken kasta met dagiti kalikagumda a mapatgan.