Naangay ti miting ti Municipal Development Council (MDC) nga indauluan ti naayat nga ina iti ilitayo Hon. Wendy Joy D. Buquing
Naangay ti miting ti Municipal Development Council (MDC) nga indauluan ti naayat nga ina iti ilitayo Hon. Wendy Joy D. Buquing. Nagatendar dagiti Kapitanes ti Barangay, pannakabagi dagiti NGOs ken dadduma a sektor ti kagimongan.
Ditoy a naidatag dagiti nadumaduma nga aktibidad a maangay iti umadanin a panangFiesta iti ilitayo. Nataming dagiti pakaseknan ket naigunamgunam a kasapulan ti panagkaykaysa dagiti sektor tapno maileppasda dagitoy maigannuat a programa ken aktibidades ita a bulan.
Naisaganad a naikkan ti gundaway dagiti pannakabagi ti tunggal sektor a nangyebkas iti pakaseknan ti itaktakderanda a hanay ken kasta metten dagiti kalikagumda a mapatgan babaen iti Open Forum.
