Mobile Blood Donation

Kas panangsuporta ti panagregget ti Lokal a Gobierno ti Sudipen a mangipaay iti natalged, ken umdas a suplay ti dara, naiyusuat ti Mobile Blood Donation babaen ti Sudipen Rural Health Unit nga idauluan ni Doctor Jerson S. Bangaoil tatta nga aldaw, Hunio 4, 2025 sadiay Barangay San Jose.

“Mamatiak nga babaen ti panagdonar iti dara, ipapaay dagitoy nga indibidual ti sagut ti biag para kadagiti agkasapulan, a mangipakita iti espiritu ti kinabannuar ken pannakipagrikna.
Kadagiti patgek a kakailian nga mangayat nga agdonar, mabalinyo ti mapan idiay Barangay San Jose manipud alas otso tatta bigat aginggana ala una ti malem.” – Mayor Weng