MDRRM Council Meeting and Assessment

Naaramid ti Municipal Disaster Risk Reduction Management Council Meeting tattay agsapa idiay Mayor Alexander O. Buquing Hall (MAOB Hall) nga indauluan ni Mayor Weng.

Ditoy a naibinsabinsa dagiti naapektaran ken dagiti nadadael a sanikua, talon ken inprastraktura gapu ti Bagyong Egay. Naibatad met dagiti alternatibo a mabalin nga aramiden tapno masaluadan ken temporario a maisimpa dagitoy. Agyamantayo ta awan iti naideklara a casualty ditoy ilitayo. Kasta met a nataming iti daytoy a taripnong iti panagsagana iti isasangpet manen ti maysa pay a bagyo (Bagyong Falcon) ditoy pagiliantayo.

Agtultuloytayo koma a naalibtak ta no adda man dumteng a saan a mapakpakadaan a didigra, nakasaganatayo latta Kakailian.