Mayor Weng’s Cheer Dance Competition
Balligi a nagleppas iti kaunaan a Mayor Weng’s Cheer Dance Competition a nagpartisiparan ti 12 a barangay ti ilitayo. Agkakalaing nga estudyante manipud iti nadumaduma a pagadalan iti nagpartisipar iti naisayangkat a cheerdance competition kas paset iti selebrasion ti Kawayan Festival 2023.
Inyalat ti Barangay Ilocano ti kampeonato. Naiwaragawag kas 1st Runner Up ti Barangay Turod ken 2nd Runner Up ti Barangay Sengngat.
Agyamanak kadagiti amin a nakipartisipar ken timmabuno iti daytoy a programa, iti naan-anay a panakipagkaysayo tapno agbalin a naballigi daytoy a ganuat no man pay daytoy iti kaunaan a Cheer Dance Competition ti ilitayo, naragsak ken napintas ti nagbanaganna.
