Mayo 8, 2024 | Balligi a nagleppas ti dua nga aldaw a Panag-Monitor/Evaluate ti Department of Environment and Natural Resources – Environmental Management Bureau (DENR-EMB)

Mayo 8, 2024 | Balligi a nagleppas ti dua nga aldaw a panagmonitor/evaluate ti Department of Environment and Natural Resources – Environmental Management Bureau (DENR-EMB) iti panangipatungpal iti 10-Year Solid Waste Management Plan ti ilitayo a Sudipen.
Inpaganetget ti naayat nga ina ti ili, Mayor Weng, iti mensahena iti naaramid a Exit Conference iti pannakaipatungpal dagiti programa a nairanta a mangpasayaat iti Solid Waste Management ti ili.
Kabayatanna, agtultuloy ti pannakitinnulong ti Sangguniang Bayan nga idauluan ni Vice Mayor Melvin G. Macusi iti panangputar kadagiti ordinansa a naidedikar iti pannakasalaknib ti aglawlaw.
Gapuna, paregtaen ti LGU Sudipen nga idauluan ni Mayor Weng ti publiko a makikadua iti panggep ti agdama nga administrasion a mangitandudo iti nadaldalus nga ilitayo ken agtultuloy a paingten dagiti programa, proyekto ken aktibidad para iti agtultuloy a pannakapreserba ti napintas ken nadalus nga aglawlaw.