Mass Wedding 2024

Kas paset iti selebrasion ti Kawayan Festival 2024, naangay iti Mass Wedding Ceremony ti naSudi nga ilitayo a Sudipen.
Inrugi ni Ms. Glorina Duaen iti maysa a nasam-it ken napintas a kanta bayat iti panagmartsa dagiti 10 nga agparis a nagkasar a sinaksian dagiti opisiales ken empleado ti munisipiotayo, bibisitas, ninong ken ninang ken dagiti dimmar-ay iti nasao a programa.
Inbingay ni Pastor Jerome Alos iti nasantoan a surat sakbay a nairugi iti seremonia ti kallaysa. Inbinsabinsa met ni SBM Bery Yadao iti kaipapanan ti cake, arak ken kalapati.
Kadagiti amin a nagkallaysa, agyamanak iti partisipasionyo ket sapaykoma ta mangbangonkayo iti naresponsable a pamilia nga addaan buteng ti Apo a Namarusa ket agbalin a natibker a pundasion para iti naSudi nga ilitayo a Sudipen.
Congratulations and best wishes, everyone!❤