Maris Agduduma, Mangpangayed Panagkakadua!

Bamboo Float Parade / Inkiwar / Tinubong

Kas paset iti panangselebrar iti Kawayan Festival 2022, balligi a naaramid ti Bamboo Float Parade tattay agsapa. Pito nga agkakangayed, agduduma ken agkakapintas a float iti naiparada manipud Barangay Poblacion aginga iti Barangay Namaltugan. Tatta a tawen, ti float iti Barangay Up-uplas-Namaltugan ti nangabak kas “Best Bamboo Float” a sarunwen iti Barangay Duplas-Bulalaan-Maliclico ken Barangay San Jose-San Francisco Norte.

Iti panagaramidan ti Inkiwar ken Tinubong, ti Barangay Ilocano ti nangabak iti kaimasan a Tinubong, naala met ti Barangay Porporiket iti kaimasan nga Inkiwar. Dagiti nadutokan a hurado dagitoy a pasalip ket idauluan ni Ma’am Marjorie Barreto, Ma’am Joy Ortega, Ma’am Eden Dungan, Ma’am Gretchen Villanueva kenni Ma’am Wilma Adviento-Lazaga.

#kawayanfestival2022