Maika-117 Founding Anniversary it ilitayo a Sudipen nga addan iti Tema: “Sumudsudi iti Ili no Agyaman ken Agkaykaysa dagiti Umili”
Indauluan ti ay-ayatentayo nga ina iti ili, Mayor Weng ti panagrambak ti maika-117 Founding Anniversary it ilitayo a Sudipen nga addan iti Tema: “Sumudsudi iti Ili no Agyaman ken Agkaykaysa dagiti Umili”.
Immuna a naisayangkat ti Flag Raising Ceremonies ken panakabendision it baro a lugan ti Municipal Disaster Risk Reduction Management Office (MDRRMO). Naisaruno ti Thanksgiving Service babaen kadagiti MESSIAH kas pagyaman ti gobierno lokal iti pannakadanon ti ili ti maika-117 a tawen ti pormal a panagbalin kas maysa a Munisipio iti probinsia ti La
Union. Inatendaran daytoy dagiti opisiales ti Sangguniang Bayan nga idauloan ni VM Melvin G. Macusi pakairamanan dagiti empleado iti munisipio, mangisursuro, opisina iti National Agency kas iti Sudipen MPS, Sudipen BFP, Municipal Trial Court ken NCIP, Kakapitanes ken dagiti Awardees.
Ti highlight ti nasao a program ket iso ti pananabigbig kadagiti sumaganad:
1. Nagretiro a Kameng ti Gobierno – Agustin Dangle Memorial Award of Dedication in Public Service
2. Loyalty Award para kadagiti empleado
3. Nakapasa iti Board Exam – Namnama ti Ili Award for Achievement
4. Nakaturpos kas Summa Cum Laude, Magna Cum Laude, Cum Laude, With Highest Honor – Dr. Jose P. Rizal “Bin-I” Award for
Academic Excellence
Segun kenni Mayor Weng, rumbeng laeng a marambakan iti Sudipen Founding Anniversary gapu ta daytoy ti mangipamatmat iti panangbigbig iti kinamaingel dagiti naglabas a liderato a namagpagbalin a maysa a Munisipio ti ilitayo. Mangipakita daytoy ti kaadda ti kabukbukudan a pagtaktakderan dagiti Ilokano. Manamnama ti intayo panagkaykaysa para ti nasudsudi pay a SUDIPEN!
